النخبة ... عا ابوكو كولكو

ممكن الموضوع مايكنش وقته بس انا شايفه اننا المرة دي بنستجدي الناس انها تدعمنا و تنزل معانا في ميادين و شوارع مصر عكس الـ 18 يوم .. في الاول نزلنا لوحدنا و بعدين الناس من نفسها تضامنوا معانا و ملينا ميادين و شوارع مصر لمدة 18 يوم

شوفوا كام جمعة و كام مليوينة دعينا لها و كام شخص حضر فيها بعد التكليف الاسود مقارنة  بالـ 18 يوم

الملاحظ ان للاسف الشديد بعض النخبة او المشاهير على الشبكات الاجتماعية بيتاجهلوا الرد على اي شخص حتى لو كان بيقولهم صباح الخير طالما الشخص ده مش من ضمن الدائرة المغلقة بتاعتهم

بعضهم كمان اذا حد سألوا عن موقف معين نقول مثلا سؤال ... هي الناس مامشيتش من التحرير ليه اما مبارك قال انه مش هايترشح تاني

بعض النخبة بقوا يردوا على سؤال زي ده بشكل عام ... يعني الشخص يسأل عضو النخبة مباشرة مثلا يجي النخبة ده يرد عليه في رسالة عامة ... يعني حتى ما كلفش نفسه يخاطب اللي سأله

و يرد بقى و يقول ... اللي مش عارف ليه احنا واقفين لغاية دلوقتي في التحرير يروح يكمل نوم احسن و برضه مايجاوبش هم ليه لسه في التحرير

مش دايما يكون اللي بيسأل سؤال استفساري زي ده بيكون بيستعبط زي ما جناب بعض النخبة معتقدين بالعكس في ناس بتكون عايزه تعرف الحقيقة بجد ... بيكونوا شايفين كلام في الاعلام التحريضي و شايفين عكسه مع المتظاهرين

و لانهم طيبين جدا و قلوبهم صافية ( زي ملايين من المصريين اللي اصلا صفتهم المعروفة للعالم كله الطيبة و القلب الصافي( فمش قادرين يحددوا الطرف اللي على حق بيسألوا لعل و عسى يوصلوا للحقيقة ... لكن طبعا بعض النخبة بيتعالوا على الناس و بيرفضوا يوضحوا اي استفسار للاسف

و بعدين يجوا يعيطوا بقى و يسألوا هي الناس مش واقفة معانا ليه ... ماهو عشان حضراتكم شتمتوهم و اتريقتم عليهم بقى لكم كام شهر ... بتدوروا عليهم دلوقتي ليه بقى و طالبين دعمهم

ده اللي بيحصل اودامي على الشبكات الاجتماعية من بعض النخبة فما بال بقى في الشارع ... اما واحد يجي يسأل شخص من اللي وجوههم معروفة .. كابتن لو سمحت هو انتم واقفين في شارع محمد محمود ليه 

هو مش بيسأل استعباط و لا تضييع وقت ... هو بيسأل لانه زيه زي ملايين غيره شايفين اننا واقفين في شارع محمد محمود و بنحدف طوب على الامن و هم بيحدفوا علينا قنابل و غازات و رصاص .. اللي بيسأل ده فعلا مش فاهم الضرب بين الطرفين في الشارع ده سببه ايه

اما يجي الكابتن يرد عليه و يقوله لو انت مش عارف روح كمل نوم و لا اتعالج و لا ارحمني ... هو كده ماوضحش حاجه ... بالعكس هو اهانه و شتمه ... طبيعي اللي بيستفسر هايقول عا ابوكو كولكو ... عيال قليلة الادب فعلا زي ما التلفزيون بيقول عليكم

و هايمشي و هايحكي اللي حصل لغيره و تنتشر الحكاية من شخص لملايين المصريين و الناس تفتكر ان كل اللي في التحرير كده مع ان اللي اتصرف كده هو فرد من نخبة مش النخبة كلها و لا الثوار كلهم

لو محتاجين الناس الطيبة الغلابة اللي ماعندهاش فضائيات و لا فيس بوك و لا تويتر و لا مدونات و مالهاش في الخبرة السياسية النضالية الكبيرة اللي انتم بتتمتعوا بيها و بتتعالوا بيها عليهم ... الناس دي عددها كبير اوي مش تملى ميدان التحرير بس ... لا دول لو كسبتوهم ... مش المجلس العسكري بس اللي هايمشي ... لا ده كل القوى السياسية الخاينة و الاحزاب الورقية و العالم كله مش هايقدروا يقولوا بم في وشكم يبقى لازم نرجع لاخلاق التحرير ... الحب و التسامح و التواضع الخ ... الاخلاق اللي خلت الملايين تدعم و تساند الثورة بجد

افتكروا اول 18 يوم ... التحرير و الشوارع في مصر كلها ماكنتش بتفضى ابدا لا صبح و لا ليل ... و بصوا حواليكم دلوقتي

بقايا حمار

نعم هي تلك البقايا التي تركها لنا الحمار ... هي بقية القطيع الذي ينتمي إليه الحمار الكبير 

قطيع واحد و قبيلة واحدة تربت على الطاعة فقط للحمار الاكبر 

هم يقلدونه في كل شيء بل هناك منهم من  استوحش اكثر منه و تفوقوا بذلك عليه و على انفسهم 

ابتكروا اساليب جديدة للقمع الحميري الذي تدربوا عليه جيدا في مدارس زعيمهم فما كان منهم الا التفكير في اخضاع الجميع لينضموا الى القطيع معهم 

و لقد نجحوا في ذلك مع بعض من اكتفوا بعيدان البرسيم التي القوها اليهم و إنضموا لهم و اسمعونا سيموفونيه زفير و نهيق خاصتهم  و ياله من انكر الاصوات 

و حينما حاولنا سد اذاننا عن تلك الاصوات النكرة و الوقوف بجانب الحق خرج علينا القطيع و معه من شرب الشاي و الياسمين ينعوتنا بالعمالة و الخيانة و المستحدث المناؤة 

نعترف أن خطأ ما حدث و ان الثقة التي منحناها لهم لم تكن في محلها بل ما كان يجب ان نترك لهم الحبل على الغارب 

عفوا ايها القطيع فلا ينفع معكم الا اللجام عاجلا و ليس آجلا ان شاء الله 

من يتوحش علينا و يحاول سلبنا حريتنا و كرامتنا و قوت يومنا لن يجد منا الا ان نضعه في قفص يشاهده العالم اجمع في اوقات الترفيه 

و لكم في زعيمكم عبرة 

و احذروا فنحن عائدون اقوى و اشد مما سبق لانها لم تكن الا 

استراحة محارب

يا خلق هوو لما العسكر

يا خلق هوو لما العسكر

حكم على مصر و جبر 

قتلو كام مدني و دور 

على البقية 

و حبسوها 

******************

قومنا بثورة و فرحنا 

مشينا مخلوع و نجحنا 

جم العساكر مطارحنا 

قالوا لنا نمشي 

و سرقوها

******************

مجلس و عسكر و مآسي 

قاعدين و لازقين في كراسي 

و حكومة شرفية تواسي 

بكلمة و ياريت

ماقالوها 

*******************

اصحاب مصالح و اتلمو

على العساكر و اتخمو

مشيوا وراهم و اتغمو 

بوثيقة عسكر 

كتبوها 

*******************

سكتنا ياما و رضينا

لكن الميدان مستنينا 

راجعين و ده عهد علينا

هانحاكم اللي 

خربوها 

يا خلق هوو لما العسكر حكم على مصر و جبر - جملة مستوحاة من اغنية اسكندرية

الباقي من تأليفي

مؤامرة داخلية

من يخطىء و يدرك خطأه و يستفيق من غفوته يقف الله بجانبه و ينصره دائما اما من يخطىء و يعلم انه على خطأ و يستمر في ذلك ثم يطلب ان ينصره الله فلن يجد اي اجابة لطلبه

نعم اخطانا حين وثقنا في مجموعة من اتباع النظام البائد ... كنا و لا زلنا نحارب كل من له علاقة بالنظام سواء كانوا اعضاء حزب وطني سابقين او رجال اعمال او شرطة او وزراء او حتى بلطجية و نبذل قصارى جهدنا لكي نقصيهم عن الحياة السياسية و الاجتماعية و عن كل شيء اخر

نعاقبهم لانهم تعاونوا مع نظام مبارك ... نقدم البلاغات اليومية الى النائب العام و الى كل من يهمه الامر عن كل اسم نعرفه او نذكره كان من بين الحاشية ايا كان موقعه

و نجاهد و نحارب و نقول لا بأعلى اصوات حناجرنا لكل من كان له علاقة بالنظام البائد

و في نفس التوقيت و اللحظة ندير ظهرنا لقيادات عينها النظام و جاملها النظام و قربها النظام منه و حماها و احتمى بها مؤخرا

و لن اتحدث عن حكومة هزيلة لا تصلح لكي تكون قيادة لمدرسة تعليمية بسيطة .. يكفي ان الله سبحانه و تعالى سيعاقبهم على ما لم يقوموا به من اجل نصرة الشعب و تحقيق مطالبه و يكفيهم خزي ما يلاقه منا

نعم هي صفقة ... التنازل عن الحكم تجنبا للانقلاب العسكري بحكم ان الشعب يقف مع الجيش و يسانده و بالتالي فإن النظام لن يجد من يناصره و في المقابل محاكمة صورية لن تأتي بأي نتيجة و نشر البلبة و الفتنة و العمل على تشتيت الانتباه و الفكر عن قضايا الوطن حتى يعود النظام مرة اخرى اقوى و اشرس مما سبق

إن كنا نتحدث عن مؤامرة او نؤمن بها .. نعم هي مؤامرة داخلية و لا علاقة لامريكا و اسرائيل و صهيون و الماسون بها ... هي مؤامرة من اعطيناهم ثقة لا يستحقونها

قد يتم اخلاء سبيل مبارك و قد لا يحدث ... لكن ما هو مؤكد ... ان النظام موجود و لم يمت و لم يسقط و لم ينهار و لم يهزم

سمحوا لاعضاء الحزب الوطني المنحل بالترشح في الانتخابات القادمة سواء البرلمانية او الرئاسية ، رفضوا الاعتراف بما اقترفه في حق الشعب من جرائم قتل و سجن و اعتقال و كشف عذرية و انكروا كل ذلك بمنتهى البساطة امام الشعب و امام العالم دون ان يشعروا بذرة من الندم او الخجل

لاننا صنعنا منهم اصنام و الهة جديدة ... مجدناهم و عظمناهم لدرجة انهم توحشوا و استأسدوا على الجميع الا كل من كانت له علاقة بالنظام البائد و الامثلة كثيرة

اما ان نستفيق من الغفلة و نوحد صفوفنا و هدفنا و كلمتنا و ننأى  بأنفسنا عن اي خلاف مهما كبر و نقف في وجه طامعي السلطة و عملائهم او نرضى بحكم عسكري اخر لن ينتهي الا مع ثورة جديدة لن تشهدها حتى الاجيال التي ستأتي من بعدنا بعشرات السنين

تسجيل المصريين المقيمين بالخارج للمشاركة في الانتخابات القادمة 2011

الحمدلله ان صدر قرار تاريخي بالسماح للمصريين في الخارج بالتصويت و المشاركة في الانتخابات و من بعده جاء اعلان اللجنة العليا للانتخابات عن فتح باب التسجيل على موقع اللجنة على الانترنت او عن طريق السفارات و القنصليات المصرية في الخارج 

اولا ده موقع اللجنة العليا للإنتخابات 

http://www.elections2011.eg

اول ما تدخلوا عليه هاتلاقوا تصويت المصريين بالخارج اضغطوا على الرابط و اتبعوا الخطوات و ان شاء الله يتم التسجيل على طول 

بالنسبة للي بيواجهوا صعوبة في التسجيل بسبب حقل اسم الام ... اقترح البعض كتابة اسم الام الاول و اسم الجد معا او كتابة اسم الام كامل

و انا بقترح تغيروا المتصفح او اعادة المحاولة مرة تانية 

لاني سجلت الحمدلله بإسم الام الاول دون اي مشاكل 

بالنسبة للمتواجدين في مصر حاليا لقضاء اجازة مع الاهل و بعدين هايرجعوا لمقرات عملهم وقت الانتخابات 

اقترح اذا في شخص بيثقوا فيه في البلدان اللي بيشتغلوا فيها انهم يطلبوا منه التسجيل على موقع اللجنة و يعطوا بيانتهم المطلوبة بحسب استمارة التسجيل اللي على الموقع و الاحتفاظ برقم التسجيل اللي هايظهر بعد كده لغاية اما يوصلوا بالسلامة للبلد اللي بيشتغلوا فيها 

بالنسبة للي مش عارفين ارقام صندوق البريد للمدينة المقيمين فيها 

اقترح عمل بحث عن طريق محرك البحث جوجل بكتابة الرمز البريدي لمدينة كذا 

او الاتصال بزميل في العمل يكون اقدم منهم شوية و سؤاله عن الرمز البريدي لمقر عملهم 

او قراءة اي جريدة قومية في المدينة اللي هم فيها خاصة الجزء اللي فيه عنوان الجريدة 

هاتلاقوا فيه الرمز البريدي للمدينة 

او الاتصال برقم استعلامات الدليل زي اللي عندنا في مصر و سؤالهم عن الرمز البريدي للمنطقة 

أول حج

النهارده و كل يوم عرفة بفتكر اول مرة حجيت فيها اعتقد ان اول حجة هي اللي بتكون اقوى و اعمق حتى لو حجينا بعدها عشر مرات 

كان مشهد مهيب فعلا و خيام كتيرة و ناس اكتر طبعا  كنا حوالي 2 مليون حاج وقتها 

كنت سعيدة اوي بالرقم ده و بقول في نفسي ياااااه بقى احنا 2 مليون حاج واقفين عند جبل عرفات في اللحظة دي و كلنا بنصلي و بندعي

كان في شهر فبراير و الجو ماكنش حر خالص حسيت ان دي نعمة من نعم ربنا عليا في اول حج ليا 

يوم عرفة دعيت ثلاثة ادعية من كل قلبي حقيقي و الثلاثة الحمدلله ربنا سبحانه و تعالى استجاب لهم 

كنت ببكي اوي يومها لدرجة ان الناس اللي كانوا معايا في الخيمة قعدوا يدوني معلب مناديل 

صلاة العيد كانت في الحرم المكي ال 2 ميلون حاج بالاضافة لكل اللي جم يصلوا العيد بقينا يومها 2 مليون و نصف ادوا صلاة العيد

يوم رمي الجمرات كان في حجاج بيرموا بكل عافية فيهم و جت زلطة صغيرة في راسي من حاج اسيوي يبدو انه كان غاضب جدا من الشيطان

البيات في منى و الناس الطيبة اللي كانوا بيوزعوا اكل و شرب على كل اللي يقابلوهم 

يوم عرفة بقى مع المشهد المهيب ده كان كل حاج بيدعي ربنا و كل بينطق بلسانه و بلغته 

ماكنتش بفهم هم بيقولوا ايه لكن و ايه لزمتي انا ربنا سبحانه و تعالى عارف و فاهم دعواتهم كانت ايه

بس كانوا بيدعوا من قلبهم اوي و ببكاء و دموع و خشوع رائع 

كل سنة بيجي اكتر من 2 مليون حاج من كل بلد و كل جنسية و كل لسان 

السنة دي كانوا 4 مليون و شوية 

و حصل تسهيلات كتيرة لاداء المناسك تيسيرا على الحجاج 

كان في عواميد كده بترش مياة باردة على الحجاج عشان الجو الحر و الزحمة 

و مقطورات ضخمة اوي بتوزع وجبات على الحجاج هدية من الملك 

وقت ما كنت هناك البعض اشاع ان بعض علب الوجبات فيها جزء صغير من كسوة الكعبة 

اللي كان قاعد و مش عايز يروح ياخد وجبة جري على الطوابير اللي واقفة عشان ياخد وجبته و يمكن يلاقي جزء من الكسوة 

عن نفسي في كل مرة حجيت مالقتيش في علبة الوجبة جزء من الكسوة و ما صادفتش حد لاقى 

دي كانت افضل رحلة في حياتي ... اول حج ليا 

اللفافة لاتزال في بطني

كل واحد بقى يخلي باله من لفافته لان جريمته جاهزة دايما 

يا اما مختل عقليا يا اما بالع لفافة